Barakaldoko merkataritzan errotuluak euskaraz jartzeko laguntza berriak
Urriaren 31ra arte eska daitezke, eta helburua da hizkuntzak eguneroko bizitzan duen presentzia bultzatzea
Merkataritza, ostalaritza eta zerbitzuetako establezimenduen kanpoko irudian euskararen erabilera sustatzeko laguntza deialdi berri bat ireki du Barakaldok. Horretarako, Udalak 5.000 euroko partida bat erreserbatu du, 2025eko azaroaren 1etik 2026ko urriaren 31ra bitartean euskarazko errotuluak jarri dituztenei diruz laguntzeko.
Deialdiari esker, establezimenduen titularrek egindako inbertsioaren zati bat berreskuratu ahal izango dute, % 25 eta % 50 arteko diru-laguntzekin, eskaera bakoitzaren ezaugarrien arabera.
“Horrela, espazio publikoan euskararen presentzia bultzatzen jarraitzen dugu, eta herritarrek tokiko merkataritzarekin harremanak euskaraz ere izan ditzaten laguntzen dugu, gure hiriko eguneroko bizitzan normalizatzen eta ikusarazten lagunduz”, adierazi du Iratxe Foces Euskara zinegotziak.
Izapideak telematikoki egin behar dira, udalaren egoitza elektronikoaren bidez. Horretarako, beharrezkoa izango da identifikazio elektronikoko sistema bat izatea, B@kQ izenekoa. Sistema hori doan lor daiteke, Herritarrentzako Arreta Zerbitzuan (HAZ) hitzordua eskatu beharrik gabe.
“Laguntzen lerro hau aprobetxatzera animatzen dugu, Barakaldon euskararen sustapenean aurrera egiten jarraitzea bilatzen duena, udalerriko merkataritza, ostalaritza eta zerbitzu sarearen eskutik”, amaitu du Fozesek.
Barakaldon albiste gehiago
'Hiriko Soinuak' ek parte-hartze errekorra hautsi du
150 banda eta bakarlarik eman dute izena Barakaldoko musika lehiaketaren zortzigarren edizio honetan Barakaldoko Udalak BBKren eta Bizkaiko Foru…
Barakaldoko Kultur Etxeek 170 ikastaro eskaintzen dituzte
Zeramika eta sabel dantza bezalako berrikuntzak gehitu dira, baita japoniar jatorriko proposamenak ere, hala nola Katsugen undo gorputz praktika eta…