Arrontegin arrapala mekaniko berriak sortzeko lanak hasi dira
1,8 milioi euro inbertituko dira jarduketa horretan, eta Araba eta Gaztela-Mantxa kaleen artean hiru arrapala dituen ibilbide irisgarri bat sortzea ahalbidetuko du, ingurunea berriz urbanizatzeaz gain
Udalak Arrontegiko Bizkaia kalean hiru arrapala mekaniko berri jartzeko lanak hasi ditu. Horri esker, irisgarritasuna nabarmen hobetuko da eta bizilagunek auzoaren goiko aldera egunero egin beharreko joan-etorriak erraztuko dira. Lanek 1.835.243 euroko aurrekontua dute, eta ibilbide irisgarri bat sortuko dute Araba eta Gaztela-Mantxa kaleen artean, Nafarroa kalean dagoen arrapala mekanikoarekin konektatuta. Instalazio berriak Bizkaia kaleko 39. eta 47. atarien artean kokatuko dira, aldapa handiak dituen tarte batean, % 10,5eraino iristen dena.
“Auzoko bizilagunen eskariari erantzuten dion jarduera da, haiekin lan egin baitugu arrapalak ahalik eta ondoen kokatzeko”, azaldu du Amaia del Campo alkateak. “Arrontegin hainbat mugikortasun soluzio jarri ditugu martxan, eta hiru arrapala berri horiei esker, ibilbide irisgarri bat osatu ahal izango da auzoaren goiko alderaino”, gaineratu du.
Proiektuak elkarren segidako hiru arrapala mekaniko instalatzea aurreikusten du. Lehenengoak 29,66 metroko luzera eta 5,37 graduko inklinazioa izango ditu; bigarrenak 7,66 metroko luzera eta 5,44 graduko inklinazioa izango ditu; eta hirugarrenak 31,17 metrokoa, 4,10 graduko inklinazioarekin. Arrapalek bideozaintzako eta telematikako sistemak izango dituzte, denbora errealean funtzionatzen dutela gainbegiratzeko eta mantentze-lanak errazteko.
- Jolin Sarietarako hautagaiak proposatzeko epea zabalik
Esku-hartzeak aukera emango du obrak aprobetxatzeko eta hainbat hiri-azpiegitura modernizatzeko. Egungo ur-hornidurako sarea ordeztuko da eta saneamendu-sarea berrituko da, bi sare desberdin sortuz. Argiteria publikoko, elektrizitateko, gaseko eta telekomunikazioetako sare berriak ere instalatuko dira.
Azpiegitura berriak egin ondoren, ingurua berrurbanizatu egingo da, lanek eragindako zoladurak eta hiri-altzariak berrezarrita. Espaloiek lehendik dagoenaren antzeko baldosa bat izango dute, eta arrapalen inguruan zeramikazko galtzada-harria jarriko da. Irisgarritasuna hobetzeko ukipen-baldosa, zintarri granitiko berriak eta granitozko lauzaz estalitako horma ere jarriko dira.
Lanak hasteak behin-behineko aldaketak dakartza zirkulazioan. Aparkaleku-plaza batzuk kenduko dira, trafiko-mozketa puntualak egingo dira eta zirkulazio-noranzkoak aldatuko dira Gaztela-Mantxa eta Nafarroa kaleetatik gertu dauden tarte batzuetan. Obra egiteko 11 hilabeteko epea aurreikusten da.
Bideozaintza
Bestalde, Udalak kreditu transferentzia bat egin du hiriko sarbide mekanikoetako bideozaintza sistemak berritzeko lanak has daitezen. Guztira, 120.000 euro inbertituko dira pixkanaka gauzatuko den jarduera horretan.
Barakaldon albiste gehiago
Animalien babeserako eta ongizaterako ordenantza eguneratuko du Barakaldok
Helburuen artean, abandonuaren prebentzioa eta hiri garbi eta errespetuzkoa mantentzea daude. Barakaldo Animaliak Babesteko Udal Ordenantza…
BAFFEST 2026: memoria, identitatea eta erreferenteak berreskuratzea
Barakaldoko argazkilarien jaialdiaren hamaikagarren edizioak erakusketak eskainiko ditu Anaien Parkean, Clara Campoamorren kanpoaldean,…